वाशिम जिल्ह्यातील मातंग समाजाचे ज्येष्ठ कार्यकर्ते, साप्ताहिक संघर्षाची पहाटचे संपादक काशीराम उबाळे यांचा अपघाती मृत्यू
* मातंग समाजाचा ज्येष्ठ कार्यकर्ता गमावला
* मातंग समाजामध्ये सर्वत्र दुःखाचे आसूड
वाशिम दि.12 (जिल्हा प्रतिनिधी) वाशिम जिल्ह्यातील मातंग समाजाचे ज्येष्ठ कार्यकर्ते, साप्ताहिक संघर्षाची पहाटचे संपादक काशीराम उबाळे रा. नंधाना ता. रिसोड यांच्या दुचाकीचा अपघात होऊन ते जागीच ठार झाल्याची घटना आज दुपारी 12.30 वाजताच्या सुमारास घडली.
काशिराम ऊबाळे हे काही कामानिमित्त शिरपूर जैन येथे येत असता दरम्यान त्यांचा चांडस पांगरखेडा मार्गे शिरपूर येथे येत असतांना त्यांची दुचाकी क्रमांक एम एच 37 एक्स 1178 अपघात झाला. या अपघातात त्यांच्या डोक्याला, मेंदूला आणि डोळ्याला अतिप्रमाणात मार लागल्याने त्यांचा घटनास्थळीच मृत्यू झाला. घटनेची माहिती मिळताच शिरपूर पोलीस स्टेशनच्या वतीने वाहन चालक रमेश मोरे हे घटनास्थळी पोहोचले. अपघात नेमका कसा घडला याची शहानिशा करून पुढील तपास शिरपूर पोलीस स्टेशन करीत आहे.
